Жаңалықтар мұрағаты

Қараушыларға сауал

Сұрақ: Біздің сайтымыздың жаңа ңұсқасына баға беріңіз
Жаман
Онша емес
Орташа
Жақсы
Керемет

Қолданушы нұсқасы


мұрағат

Таратылымға жазылу

   Все новости

Терроризм мен экстремизмге қарсы тұру

Павлодар облысының аумағында Қазақстан Республикасы Ұлттық қауіпсіздік комитетінің Терроризмге қарсы орталығының басшылығымен «Павлодар-2006» біріккен жедел-тактикалық оқу-жаттығуы болып өтті.

Терроризмге қарсы оқу-жаттығу іс-шарасы Терроризммен, экстремизммен және сепаратизммен күрес бойынша 2004-2006 арналған Мемлекеттік бағдарламаны іске асыру аясында өткізілді. Оның мақсаты – лаңкестік шаралардың жолын кесу бағытында тәжірибе жинақтау және азаматтар мен мүліктердің қауіпсіздігін қамтамасыз ету, лаңкестерді, жарылғыш құрылғыларды залалсыздандыру, сондай-ақ темір жол көлігі нысандарында лаңкестік шаралардың зардаптарын төмендету болып табылады.

Оқу-жаттығу екі деңгейде өткізілді. Бірінші деңгейде темір жол вокзалының күту залында жарылғыш құрылғы табылған жағдайдағы ұйымдастырушылық және іс-жүзінде атқарылуы тиіс жұмыстарды үйлестіру, ал екінші деңгейде Павлодар станциясының бірінші платформасында тұрған «Лениногорск - Астана» бағытындағы жолаушылар поезының үшінші вагонында болған шартты жарылыстың зардаптарын жою шаралары қарастырылды.

Оқу-жаттығуға жергілікті ұлттық қауіпсіздік органдарының және ішкі істер органдарының жеке құрамы, аталған мемлекеттік құрылымдардың арнаулы қызметінің қызметкерлері қатысты. Сондай-ақ облыстық акимат қызметкерлері, төтенше жағдайлар жөніндегі, денсаулық сақтау Департаменттерінің, «ҰК ҚТЖ» - Павлодар тасымалдау бөлімшесі» АҚ және басқа да ұйымдар мен ведомстволардың қызметкерлері қамтылды.

Оқу-жаттығу облыс аумағында лаңкестіктің алдын алу және жолын кесу бағытындағы жедел қызметтердің жоғары деңгейде бірлесе қимылдай білетіндігін көрсетті.

ҚР ҰҚК баспасөз қызметі

Артқа